Já, ég er ekki búinn að blogga svolítið lengi en ákvað að drífa í
því núna úr því að ég fann svona bráðamynda slóð fyrir myndirnar
mínar og svo var líka komið kvart á síðuna um að ég ætti að fara að
drífa mig í því.
Nú, cruisið var afskaplega notalegt með múttu, kallinum hennar og
Antoni bróður. Við sigldum frá Galveston og var skipið sem að við
vorum á alveg frábært, með spílavíti, klúbbum, börum, sundlaugum og
hele klabbinu bara.
Við byrjuðum á því að sigla til Jamaica þar sem að við Anton
ákvaðum að fara í smá Tarzan leik í frumskóginum á meðan að gamla
settið gerði sína hluti. Eins og sést var alveg ævintýralegt að
sveifla sér svona hátt yfir jörðinni öskrandi eins og algjör
villimaður.
Eftir að hafa sveiflað sér í trjánum ákváðum við að að njóta
sólarinnar og ákvaðum að fara á Margaritaville hans Jimmy Buffets.
Þar syntum við Anton aðeins í sjónum og létum eins og litlir
krakkar á trampólíninu þar. Þetta var alveg frábært.
En eftir ágætis dag þá var komið að því að sigla á næsta stað og sá
var nú ekki af verri endanum. CAYMAN ISLANDS
Maður ætti nú kanski að stoppa aðeins fyrst og segja ykkur frá
matnum um borð. Hann var alveg æðislegur, svo góður að það var
fyndið að sjá múttu og kallinn hennar sem eru bæði kokkar slefandi
og stynjandi hvert einasta kvöld. Það var alltaf 3 rétta máltíð og
maður fékk alltaf matseðil til velja hvað maður vildi. Besti
veitingastaður sem að ég hef farið á gerir ekki mikið betri mat en
við fengum þarna. Og alltaf okkar eigin þjónar.
En eftir 2 daga siglingu þa komum við að lokum til Cayman sem að
var hápúnktur ferðarinnar. Þegar að við komum þangað drifum við
okkur til að synda með skötunum og það var SVO gaman. Við fórum öll
fjögur og vorum sammála að það var HÁpunkturinn.
Svo eftir það fórum við að versla, en gull og gimsteinar eru ódýr á
Cayman. Plús, svo sá ég svo flott hús þarna að ég er alltaf að
skoða fasteignirnar þar núna. Langar í hús þar! (hér er slóð ef að
einhver hefur áhuga að skoða hús þar
Cayman húsleit )
Því næst sigldum við til Mexico, þar sem að við ætluðum að synda
með höfrungum en þar sem að ég djammaði aðeins of mikið með crewinu
kvöldið áður, þá náði ég ekki að komast í land sökum maga og
höfuðverkjar.
En ég frétti að skötusundið hefði verið
skemmtilegra þannig að það bætti upp fyrir mikið, þó að maður hefði
nú frekar viljað synda með höfrungum heldur en að liggja uppá
herbergi og sóað 10.000 kalli í ekki neitt. Kannski næst!
En eftir það var ferðinni haldið heim og lentum í smá ólgusjá á
heimleið en það eyðilagði nú ekki mikið fyrir okkur þannig að
ferðin heppnaðist vel í flesta staði.
Myndir frá krúsinu er hægt að skoða hér til hliðar!!!!!